Sciant presentes et futuri quod ego Philippus filius Walteri Mercatoris de Oxonia dedi et concessi et hac presenti carta mea confirmaui et quietum clamaui pro me et heredibus meis in perpetuum magistro et fratribus hospitalis sancti Iohannis extra portam orientalem Oxonie et eorum successoribus in puram et perpetuam elemosinam totum ius meum et clamium quod habui uel habere potui in quadam terra cum pertinentiis quam habui de dono Ricardi de Witteneye in parochia sancti Petri extra portam orientalem Oxonie que dicta terra iacet inter terram que fuit Iohannis Crompe ex una parte et terram que fuit Willelmi de Chouele ex altera cum redditibus eschaetis et aliis libertatibus pertinentibus habend et tenend dictis magistro et fratribus et eorum successoribus adeo libere quiete bene et in pace prout carte inde confecte melius et plenius testantur nichil iuris mei uel clamii michi uel heredibus meis retento in perpetuum Ego uero dictus Philippus et heredes mei dictam terram cum pertinentiis dictis magistro et fratribus et eorum successoribus contra omnes homines et feminas warentizabimus aquietabimus et defendemus imperpetuum Et ut hec mea donatio concessio quieta clamatio et presentis carte mee confirmatio rata et stabilis sine dolo permaneat huic presenti scripto sigillum meum apposui Hiis testibus Nicholao de Kyngistone tunc maiore Oxonie Elia le Quelter Henrico Ouain tunc prepositis Waltero Aurifabro Galfrido Aurifabro Willelmo Pille Iohanne Philellyng et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.