Universis Christi fidelibus ad quos presens scriptum pervenerit Constancia Honing relicta Walteri Honing de Colcestria salutem in Domino Noverit universitas vestra me in pura viduitate et legittima potestate mea concessisse dedisse et quietum clamasse fratri Thome Lidegard magistro tunc temporis de Mapeltrestede et fratribus ibidem Deo servientibus totum ius et clamium quod habui vel aliquo modo habere potui in toto illo tenemento quod de eis tenui in parochia sancti Nicholai Colcestrie sine diminucione aliqua scilicet illud tenementum cum edificiis desuper edificatis et omnibus suis pertinentiis quod iacet inter tenementum Katerine le scipmannes et vicum qui vocatur Wirstrate sicut undique includitur ita quod nec ego predicta Constancia nec heredes mei nec aliquis pro nobis aliquid inde poterimus exigere de cetero vel vendicare In huius rei testimonium huic presenti scripto sigillum meum apposui Hiis testibus Nicholao medico Waltero aurifabro tunc baillivis Colcestrie Olivero filio Elye Ricardo de Langenho Sahero decano David textore Galfrido le Dan Hugone clerico Iohanne de Mortone et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.