Sciant presentes et futuri quod ego Iohanna de Hasele que fui uxor Willelmi Sauuage de Fanersham in mea ligea uiduitate et plena potestate concessi remisi et omnino quietum clamaui magistro et fratribus hospitalis sancti Iohannis extra portam orientalem Oxonie et eorum successoribus pro me et liberis meis et heredibus meis uel meis assignatis in liberam puram et perpetuam elemosinam totum ius meum et clamium quod habui uel habere potui in illo messuagio quod situm est inter terram que fuit Iohannis de Couele ex parte orientali et inter terram que fuit Nicholai Wistele ex parte occidentali ita quod ego predicta Iohanna nec liberi mei uel heredes mei uel mei assignati nec aliquis per nos de cetero aliquod iuris clamium de predicto mesuagio in posterum exigere uel uendicare poterimus Preterea ego predicta Iohanna obligo me et liberos meos et heredes meos et meos assignatos ad warantizationem toti predicti tenementi predictis magistro et fratribus dicti hospitalis et eorum successoribus in perpetuum Pro hac autem concessione remissione warantizatione et quieta clamatione dederunt michi predicti magister et fratres predicti hospitalis dimidiam marcam argenti pre manibus Et ut hec omnia prescripta et prediuisa rata et stabilia in perpetuum permaneant hoc presens scriptum sigilli mei impressione roboraui Hiis testibus Ada Feteplace tunc maiore Oxonie Galfrido de Hengsey Galfrido Aurifabro tunc balliuis Iohanne Fileking Willelmo Pille Willelmo de Ybernia Matheo le Boltere Gilberto le Hattere et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.