Sciant presentes et futuri quod ego Simon Bradfot filius et heres Petri le Luminur et Sarre matris mee concessi dimisi et omnino quietum clamaui et hac presenti carta mea confirmaui magistro Hospitalis sancti Iohannis extra portam orientalem Oxonie et eiusdem loci confratribus totum ius meum et clamium quod habui uel habere potui in illo mesuagio quod dicti magistri et fratres habuerunt de dono Helie Bradfot quod situm est inter terram que fuit Iohannis Aylnod et Benedicti Aylnod et terram que fuit Hugonis Ruffi in Cattestrete habendum et tenendum pro me et heredibus meis dictis magistro et fratribus et eorum successoribus libere quiete bene et in pace in perpetuum reddendo inde annuatim seruitium debitum et consuetum domino capitali illius feodi et si ita contingat quod predicti magister et fratres de predicto mesuagio sint implacitati ego predictus Simon et heredes mei totum predictum mesuagium cum suis pertinentiis contra omnes gentes mares et feminas in perpetuum warantizabimus aquietabimus et defendemus Pro hac autem concessione dimissione et quieta clamatione et presentis carte mee confirmatione dederunt michi predicti magistri et fratres dimidiam marcam argenti in gersumma In cuius rei testimonium huic presenti scripto sigillum meum apposui Hiis testibus domino Ricardo de Middeltone et Rogero de Missendene tunc iustitiariis itinerantibus apud Oxoniam anno regni regis Henrici filii regis Iohannis quinquagesimo secundo Ada Feteplace tunc maiore Oxonie Galfrido de Hengsey et Galfrido Aurifabro tunc balliuis Oxonie Willelmo de Yuernia Waltero de Beytone Willelmo Luminatore Simone Scotico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.