Sciant presentes et futuri quod ego Alitia quondam uxor Walteri Molendinarii Oxonie dedi concessi et hac presenti carta mea confirmaui fratri Nicholao tunc magistro hospitalis sancti Iohannis Baptiste extra portam orientalem Oxonie et eiusdem loci confratribus et infirmis in dicto hospitali languentibus illud mesuagium meum cum pertinentiis quod quondam tenuit Matheus le Boltere et iacet in suburbio Oxonie in parochia sancti Petri orientalis extra portam orientalem Oxonie iuxta mesuagium Ricardi Molendinarii ex parte una et iuxta mesuagium quod quondam tenuit Iohannes Marescallus Oxonie ex parte altera habend et tenend dictum mesuagium cum omnibus pertinentiis suis de capitalibus dominis feodi predicto fratri Nicholao tunc magistro dicti hospitalis et eiusdem loci confratribus et infirmis antedictis libere quiete bene et in pace iure et hereditarie in perpetuum faciendo inde capitalibus dominis feodi seruitia debita et consueta que dicto mesuagio incumbunt per annum Et ego dicta Alitia et heredes mei et assignati dictum mesuagium cum omnibus pertinentiis suis dicto fratri Nicholao tunc magistro dicti hospitalis et eiusdem loci confratribus et infirmis et eorum successoribus warrantizabimus acquietabimus et contra omnes homines et feminas in perpetuum defendemus In cuius rei testimonium huic presenti carte sigillum meum apposui hiis testibus Henrico Ewayn tunc maiore Oxonie Thoma de Sowy Iohanne Wyd tunc balliuis Oxonie Iohanne Culuerd Philippo de Ew Iohanne de Ew Martino Exemplatore Andrea Culuerd Henrico Clerico et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.