Omnibus Christi fidelibus hoc scriptum visuris vel audituris Adam de Farlam filius Walteri de Wyndesouer[] salutem in Domino Noveritis quod cum motum fuisset placitum inter me ex parte una petentem et religiosos viros priorem et conventum de Lanrecost[] ex altera tenentes super duobus mesuagiis triginta acris terre et triginta acris prati cum pertinenciis in magna Farlam apud Clouesgile ego Adam visa carta Walteri de Wynddesouer[] avi mei sciens et bene cognoscens dictos religiosos predicta mesuagia terram et pratum cum bosco et mora et omnibus pertinenciis suis que ibi tenent per donationes dicti avi mei juste tenuisse omnia predicta eisdem religiosis confirmavi et pro me et heredibus meis inperpetuum quietumclamavi Et si quod jus vel clamium in predictis aliquo tempore habui illud totum eisdem dedi et totaliter remisi Ita videlicet quod ego vel heredes mei seu aliquis nomine nostro in predictis vel in aliqua parte predictorum nunquam jus vel clamium inposterum exigere poterimus vel vendicare In cuius rei testimonium presenti scripto sigillum meum apposui Testibus dominis Roberto de Feritate Hugone de Multon[] Huberto de Multon[] militibus Roberto de Crogelyn Waltero de Bampton Ricardo de Tyrel[] Ada de Leuington[] Johanne Tylliolf Roberto de Vallibus de Treuerman Hugone de Talkan Willelmo de Montibus Thoma de Birkinside et aliis

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.