Omnibus Cristi fidelibus ad quos presens scriptum peruenerit Matilda que fuit uxor Ricardi le Marechal de Oxonia salutem in domino sempiternam Noueritis nos remisisse relaxasse et omnino quietum clamasse imperpetuum Ricardo le Mouner et Alitie uxori sue et heredibus suis uel assignatis totum ius et clamium michi contingentem nomine dotis uel alterius tituli de tenemento quod situm est inter tenementum Iohannis Neusome ex una parte et tenementum Walteri Molendinarii ex altera quod tenementum predicta Alitia habuit ex donatione Ricardi le Marechal quondam mariti mei cum pertinentiis extra portam orientalem in suburbio Oxonie ita uidelicet quod nec ego Matilda nec aliquis per me uel pro me aliquid iuris uel clamii in predicto tenemento cum pertinentiis in posterum exigere uel uendicare poterimus Pro hac autem remissione relaxatione et quieta clamatione habend dederunt michi predicti Ricardus et Alitia octo solidos sterlingorum pre manibus in gersummam In cuius rei testimonium presenti scripto quiete clamationis sigillum meum apposui hiis testibus Henrico Owayn tunc maiore Oxonie Willelmo de Wottesdone Andrea Culuerd tunc balliuis eiusdem uille Philippo de Ow Iohanne de Ow Iohanne Culuerd Thoma de Sowy Iohanne Pille Willelmo le Marechal Waltero Molendinario et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.