Omnibus Cristi fidelibus hoc presens scriptum uisuris uel audituris Agnes Bolepanne Oxonie salutem in domino sempiternam Noueritis me remisisse concessisse et omnino pro me et heredibus meis seu assignatis in perpetuum quietum clamasse fratri Nicholao magistro hospitalis sancti Iohannis Baptiste extra portam orientalem Oxonie et eiusdem loci confratribus redditum annuum unius denarii cum pertinentiis in liberam puram et perpetuam elemosinam ad sustentationem Charnere in cimiterio dicti hospitalis quem percipere solebam annuatim de Symone Scot de quodam tenemento iacente infra Oxoniam uidelicet in parochia sancti Petri orientalis contra murum de Smithegate iuxta aulam Uniuersitatis ex parte orientali et tenementum dicti Symonis Scot ex parte occidentali habendum et tenendum predictum annuum redditum unius denarii predicto fratri Nicholao magistro dicti hospitalis et eiusdem loci confratribus in liberam puram et perpetuam elemosinam cum omnibus suis pertinentiis ad sustentationem dicte Charnere libere quiete bene et in pace iure integre solute et hereditarie in perpetuum ita quidem quod nec ego antedicta Agnes nec heredes mei seu assignati nec aliquis nomine meo seu heredum meorum uel assignatorum aliquid iuris clamium seu calumpniam in predicto annuo redditu unius denarii cum pertinentiis de cetero exigere poterimus seu uendicare In cuius rei testimonium presenti scripto sigillum meum apposui Testibus Henrico Ewayn tunc maiore Oxonie Willelmo de Wodestone Andrea Culuerd tunc balliuo Oxonie Willelmo le Espicer Nicholao Aurifabro Iohanne Sewy Andrea Pyrie Iohanne Culuerd Symone Scot et aliis multis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.