Sciant presentes et futuri quod ego Lutia quondam uxor Philippi le Notur in legia uiduitate et potestate mea dedi concessi et hac presenti carta mea confirmaui Iohanni Marescallo Oxonie unam garderobam et unam paruam placeam cum omnibus muris et omnibus aliis pertinentiis et est illa garderoba cum placea predicta sita inter tenementum predicti Iohannis et tenementum quondam Iohannis Molendinarii in latitudine et curtilagium predicti hospitalis sancti Iohannis et curiam meam in longitudine in tenemento meo extra portam orientalem in suburbio Oxonie habend et tenend predicto Iohanni et heredibus suis siue assignatis de me et heredibus meis cum omnibus libertatibus et consuetudinibus libere quiete bene et in pace reddendo inde annuatim michi et heredibus meis ipse et heredes sui siue assignati unum clauum gariofili scilicet ad Pascha pro omni seruitio seculari exactione et demanda Pro hac autem donatione concessione predictus Iohannes dedit michi dimidiam marcam argenti pre manibus Et ut hec omnia predicta rata et stabilia permaneant hoc presens scriptum inpressione sigilli mei roboraui Hiis testibus Nicholao de Kyngestone tunc maiore Oxonie Iohanne Culuard Thoma de Sowe tunc balliuis Nicholao Aurifabro Egidio de Stokwelle Martino Exemplatore Thoma de Benham Gerardo Tinctore Ricardo Clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.