Sciant presentes et futuri quod ego Robertus le Marischal et Angnes uxor mea dedimus concessimus et hac presenti carta nostra confirmauimus et omnino quietum clamauimus pro nobis et heredibus nostris uel nostris assignatis fratri Waltero tunc magistro hospitalis sancti Iohannis extra portam orientalem Oxonie et eiusdem loci confratribus et eorum successoribus totum ius et clamium quod habuimus uel aliquo modo habere potuimus sine ullo retenemento in illo mesuagio integro quod situm est inter mesuagium quondam Ricardi le Marischal et mesuagium quondam Iohannis le Marischal cum omnibus suis pertinentiis in domibus edificatis et in curtilagiis in longitudine et latitudine sicut nos predicti Robertus et Agnes predictum mesuagium de feodo predictorum fratrum extra portam orientalem Oxonie de predictis fratribus aliquando plenius et largius tenuimus habend et tenend predictum mesuagium cum omnibus suis pertinentiis predictis fratribus et eorum successoribus libere quiete bene et in pace imperpetuum sine ullo reclamio predictorum Roberti et Angnetis uel heredum suorum Pro hac autem donatione concessione carte nostre confirmatione et quieta clamantia dederunt nobis predicti fratres octo solidos sterlingorum pre manibus Et ut hec nostra donatio concessio carte nostre confirmatio et quieta clamantia firma et stabilis imperpetuum permaneat hoc scriptum sigilli nostri impressione roborauimus Hiis testibus Henrico Owain tunc maiore Oxonie Elia le Quilter Nicholao Aurifabro tunc balliuis de eadem Galfrido Aurifabro Galfrido de Hengseie Iohanne Filekyng Willelmo Pille Philippo clerico predicti hospitalis Ricardo de Eppewelle et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.