sciant presentes et futuri quod ego Robertus Bonhayt burgensis Suthampton dedi concessi et hac presenti carta mea confirmaui priori et fratribus Domus Dei Suthampton in liberam et perpetuam elemosinam novem solidos annui et quieti redditus de uolta et petrino sitis in uico anglico uersus mare ex parte uici orientali inter mesuagium quod Nicholaus Beket tenet de Domo Dei Suthampton ex parte boriali et aliam uoltam dictis uolte et petrino contiguam ex parte australi quam Egidius Flemyng tenet tenend et habend dictos novem solidos annui et quieti redditus dictis priori et fratribus et eorum successoribus libere quiete integre et pacifice imperpetuum ad sustentationem unius capellani perpetui diuina celebrantis pro anima Alicie filie Walteri Flaundres quondam uxoris mee et animabus antecessorum et successorum meorum et omnium fidelium defunctorum Et ego et heredes mei uel mei assignati qui tenementa mea imposterum tenebunt predictos novem solidos sterlingorum annui et quieti redditus ut predictum est annuatim percipiendos predictis priori et fratribus et eorum successoribus contra omnes homines et feminas warantizabimus acquietabimus et defendemus imperpetuum Et ut hec donatio et concessio perpetue firmitatis robur optineant presentem cartam sigilli mei appositione roboraui et ad maiorem securitatem sigillum prepositure uille Suthampton eidem apponi procuraui Hiis testibus Henrico Flemeng et Iacobo Ysemberd tunc balliuis Suthampton Nicholao Beket Willelmo de Arundel Nicholao de Barflet Waltero le Hordir Iohanne Horn Henrico Longo Willelmo de Beaubek Thoma de Andeuera Radulpho Paruo Galfrido de Prys clerico et multis aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.