Inquisicio capta coram balliuis ville Oxonie per sacramentum Thome de Henxeye Walteri Bost Thome de Orlyens Willelmi de Hedindon Thome de Staunton Euerardi Pistoris Oliueri le Taillour Thome Wyth Iohannis Franceys Henrici le Barbor Roberti de Welles et Iohannis de Newebyri qui dicunt super sacramentum suum quoad messuagium predictum et quoad quatuor seldas de predictis octo seldis et eciam quoad redditum predictum quod non est ad dampnum uel preiudicium domini regis nec aliorum si idem dominus rex concedat quod [thomas le Mareschal] dare possit et assignare predictum messuagium et predictas quatuor seldas cum redditu supradicto custodi et fratribus hospitalis predicti habend et tenend eisdem custodi et fratribus et successoribus suis imperpetuum Dicunt eciam quod predictum messuagium tenetur de predictis custode et fratribus per seruicium quatuor solidorum per annum et valet per annum in omnibus exitibus xv solidos Et una de predictis quatuor seldis tenetur de eisdem custode et fratribus per seruicium xii denariorum per annum et valet eadem selda per annum in omnibus exitibus quatuor solidos Item dicunt quod tres alie selde tenentur de communitate ville Oxonie per seruicium xii denariorum per annum et valent per annum in omnibus exitibus novem solidos Dicunt eciam quod predictus redditus septem denariorum prouenit de quodam tenemento quod Alicia la Webbe tenet ad terminum vite sue de predictis custode et fratribus hospitalis predicti Item dicunt quod remanebit eidem Thome [...] quoddam tenementum in villa Oxonie tenend de predictis custode et fratribus ad terminum vite ipsius Thome in excambium pro tenementis predictis et valet illud tenementum quatuor marcas per annum [...] Preterea dicunt quod residue quatuor selde et predicta acra terre et predicta acra prati non sunt infra libertatem ville Oxonie ideo nichil inde sciunt

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.