Omnibus Cristi fidelibus hoc presens scriptum uisuris uel audituris Iohannes Stoyl de West Wyttenham clericus salutem in domino sempiternam Noueritis me dedisse concessisse et hoc presenti scripto meo omnino de me et heredibus meis quietum clamasse Thome filio Nicholai Riches de Auerham et Agathe uxori sue et heredibus et assignatis predicti Thome totum ius et clamium quod unquam habui uel aliquo modo habere potui in una domo et una placea terre sita in uilla Oxonie in parochia sancti Petri in oriente inter tenementum magistri Nicholai de Bradewelle quondam ex parte occidentali et tenementum predicte Agathe ex parte quondam orientali tenend et habend predictam domum et predictam placeam terre cum suis pertinentiis prefatis Thome et Agathe et heredibus et assignatis dicti Thome libere quiete bene et in pace in perpetuum reddendo inde annuatim capitalibus dominis illius tenementi seruitia inde debita et consueta pro omnibus seruitiis consuetudinibus et cunctis secularibus demandis ita quod nec ego Iohannes nec aliquis heredum meorum nec aliquis nomine meo aliquid iuris uel clamii in predictis domo uel placea terre de cetero exigere poterimus Pro hac autem donatione concessione et presenti quieta clamatione dederunt michi predicti Thomas et Agatha uiginti solidos sterlingorum pre manibus In cuius rei testimonium presenti quiete clamationi sigillum meum apposui Dat[] apud Oxoniam die Iouis proxima ante festum Natiuitatis sancti Iohannis Baptiste anno regni regis Edwardi uicesimo sexto hiis testibus Andrea de Pirye tunc maiore Oxonie Thoma de Hengseye et Iohanne de Coleshulle tunc balliuis eiusdem uille Symone de Feucote Laurentio de Krek[] Iohanne le Coupere Henrico Gobyon et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.