Notum sit omnibus presentibus et futuris quod ego Iohannes Stoil de West Wittenham clericus dedi concessi et hac presenti carta mea confirmaui Thome filio Nicholai Riches de Aueram et Agathe filie Martini Exemplatoris Oxonie unam domum in uilla Oxonie sitam in parochia sancti Petri in oriente inter domum Michelis Molendinarii ex parte orientali et domum quondam Martini Exemplatoris ex parte occidentali quam habui de dono Agathe filie Martini Exemplatoris Oxonie tenend et habend dictam domum cum omnibus pertinentiis de capitalibus dominis predicti tenementi predictis Thome et Agathe et heredibus et assignatis eiusdem Thome libere quiete integre bene et in pace imperpetuum reddendo inde annuatim capitalibus dominis illius tenementi quatuor solidos argenti ad quatuor anni terminos uidelicet ad festum sancti Michelis duodecim denarios et ad festum sancti Thome apostoli duodecim denarios et ad festum Annuntiationis beate Marie uirginis duodecim denarios et ad festum Natiuitatis sancti Iohannis Baptiste duodecim denarios pro omnibus seruitiis consuetudinibus et secularibus demandis Et ego predictus Iohannes et heredes mei predictam domum cum omnibus suis pertinentiis predictis Thome et Agathe et heredibus dicti Thome uel assignatis contra omnes mortales warentizabimus imperpetuum Et ut hec mea donatio et concessio et carte mee confirmatio robur firmitatis in perpetuum optineant huic presenti carte sigillum meum apposui Dat[] Oxonie die Iouis proxima ante festum Natiuitatis sancti Iohannis Baptiste anno regni regis Edwardi uicesimo sexto Hiis testibus Andrea de Pirye tunc maiore Oxonie Thoma de Hengseye et Iohanne de Coleshulle tunc balliuis eiusdem uille Symone de Feucote Laurentio Leret Iohanne le Coupere Henrico Gobion et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.