Sciant presentes et futuri quod ego Rogerus le Turnur concessi dimisi et liberaui Willelmo de Wintonia le Spicer totam terram illam cum pertinentiis que iacet inter terram que fuit hospitalis sancti Iohannis et terram Roberti Waldri in parrochia sancti Petri uersus portam orientalem Oxonie habend et tenend predicto Willelmo et heredibus suis uel cui eam assignare uoluerit de me et heredibus meis in feodo et hereditate libere quiete et integre reddendo inde annuatim michi et heredibus meis tres solidos et unum denarium ad duos anni terminos pro omni seruitio et exactione uidelicet ad festum sancti Michelis xviii d et ad festum sancte Marie in Martio xix d Et ego et heredes mei warantizabimus predictam terram cum omnibus pertinentiis suis predicto Willelmo et heredibus suis uel cui eam assignauerit contra omnes homines et feminas Pro hac autem concessione dimissione liberatione et warantizatione predictus Willelmus dedit michi uiginti marcas sterlingorum in gersuma et Murielle uxori mee dedit unam robam de uiridi Et ut hec predicta rata et inconcussa permaneant hanc presentem cartam sigillo meo confirmaui Hiis testibus Alewico et Ada filio Walteri tunc prepositis Stephano filio Henrici Galfrido Iusselle Henrico Inge Roberto Waldri Henrico Bolter Willelmo Clerico

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.