Sciant presentes et futuri quod ego Iohannes Filekyng dedi concessi et hac presenti carta mea omnino quietum clamaui pro me et heredibus meis et meis assignatis magistro et fratribus hospitalis sancti Iohannis extra portam orientalem Oxonie et eorum successoribus totum ius et clamium quod habui uel habere potui in illa domo que sita est in magno uico qui ducit uersus portam orientalem inter terram predictorum fratrum ex parte una et terram quam dominus Willelmus de Swafham capellanus tenet ex altera in parochia sancti Petri orientalis in puram et perpetuam elemosinam pro quo scilicet tenemento solebam reddere predictis magistro et fratribus predicte domus uiginti solidos annualis redditus per annum habendum et tenendum predictis magistro et fratribus et eorum successoribus libere quiete bene et in pace cum omnibus suis pertinentiis imperpetuum ita quod nec ego nec heredes mei nec aliquis nomine meo aliquod ius uel clamium in dicto tenemento de cetero poterimus exigere nec calumpniare In cuius rei testimonium hanc presentem cartam sigilli mei impressione roboraui Hiis testibus Nicholao de Kyngestune tunc maiore Oxonie Thoma de Souwi et Radulfo le Plomer tunc balliuis Henrico Oeyn Nicholao de Coleshulle Iohanne Culuerd Iohanne Sewi et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.