Sciant presentes et futuri quod ego Iohannes Filekyng dedi concessi et hac presenti carta mea confirmaui magistro et fratribus hospitalis sancti Iohannis extra portam orientalem Oxonie unum mesuagium in cimiterio sancti Petri in oriente ad sustentacionem pauperum infirmorum predicti hospitalis uidelicet illud mesuagium quod situm est inter terram Galfridi de Stocwelle ex parte una et terram Iohannis de Wytele ex altera uidelicet illud mesuagium quod emi de Iohanne le Waleys habend et tenend sibi et successoribus eorum libere quiete integre bene et in pace imperpetuum reddendo inde annuatim heredibus Henrici le Riche uiginti denarios uidelicet ad festum sancti Michaelis quinque denarios et ad Nathale Domini quinque denarios et ad festum beate Marie in Marcio quinque denarios et ad festum beati Iohannis Baptiste quinque denarios pro omnibus seruiciis secularibus exaccionibus et demandis michi et heredibus meis pertinentibus Et ego Iohannes et heredes mei totum dictum tenementum cum suis pertinenciis dictis magistro et fratribus predicti hospitalis et eorum successoribus contra omnes homines et feminas warantizabimus acquietabimus et defendemus imperpetuum Et ut hec mea donacio concessio et presentis carte mee confirmacio et warantia rata et inconcussa imperpetuum permaneant hanc presentem cartam sigilli mei impressione roboraui Hiis testibus Nicholao de Kyngestune tunc maiore Oxonie Thoma de Souwi et Radulfo le Plomer tunc balliuis Henrico Oeyn Nicholao de Coleshulle Iohanne Culuerd Iohanne Sewi aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.