Omnibus Cristi fidelibus ad quos hoc presens scriptum peruenerit Ricardus le Dosyer salutem Nouerit uniuersitas uestra me dedisse et concessisse et hac presenti carta mea confirmasse pro me et heredibus meis in perpetuum fratri Henrico custodi hospitalis sancti Iohannis extra portam orientalem Oxonie et eiusdem loci fratribus et infirmis in liberam puram et perpetuam elemosinam totam terram meam cum pertinentiis que michi accedebat hereditarie ex parte patris mei in parochia sancti Petri in oriente Oxonie que est sita inter terram Iohannis de Witele ex una parte et terram Ade Capp[el]l[an]i ex altera et totum ius meum et clamium quod habui uel habere potui ut in omnibus terris redditibus esschaetis uel aliquo modo michi uel heredibus meis accidere possint in Oxonia uel extra Oxoniam nichil iuris uel clamii michi uel heredibus meis retento in perpetuum habend et tenend dictis custodi et fratribus et eorum successoribus pro me et heredibus meis libere et quiete bene et in pace reddendo inde annuatim dominis feudi seruitium debitum et consuetum Ego uero dictus Ricardus et heredes mei dictam terram cum omnibus pertinentiis dictis custodi et fratribus et eorum successoribus warantizabimus aquietabimus et defendemus in perpetuum contra omnes homines et feminas tam Iudeos quam Cristianos Et ut hec mea donatio concessio et carte mee confirmatio rata et stabilis permaneat in perpetuum huic scripto sigillum meum apposui His testibus Ade Feteplace tunc maiore Oxonie Galfrid[o] Aurifab[ro] et Ric[ardo] fil[io] Nicholai tunc prep[ositis] Oxonie Iohannes Padi Walter[us] Aurifab[er] Iohannes Filekynge Walter[us] Kepeharm Willelmus de Chiltone Willelmus le Spicer iuuenis Galfrid[us] de Henstexseye et aliis multis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.