Omnibus Cristi fidelibus ad quos presens scriptum peruenerit frater Thomas custos hospitalis sancti Iohannis extra portam orientalem Oxonie et eiusdem loci fratres salutem Noueritis omnes nos communi assensu et consensu nostro concurrente dedisse concessisse et hac presenti carta nostra confirmasse pro nobis et successoribus nostris Stephano Ligatore Librorum domum angularem infra portam orientalem iuxta domum Galfridi Belewe cum omnibus edifitiis et cum omnibus pertinentiis habend et tenend dictam domum dicto Stephano et heredibus suis uel suis assignatis quibuscumque et quandocumque uoluerit dare uel uendere uel legare uel assignare exceptis uiris religiosis et Iudeis de nobis et successoribus nostris libere quiete bene et in pace reddendo inde annuatim nobis et successoribus nostris predictus Stephanus et heredes sui uel sui assignati triginta solidos sterlingorum ad quatuor anni terminos scilicet ad Natiuitatem domini septem solidos et sex denarios et ad festum sancte Marie in Martio septem solidos et sex denarios et ad Natiuitatem sancti Iohannis Baptiste septem solidos et sex denarios et ad festum sancti Michelis septem solidos et sex denarios pro omni seculari seruitio exactione et demanda Et si ego predictus Stephanus et heredes mei seu assignati mei in solutione dictorum triginta solidorum ad aliquem terminum defecerimus licebit eidem custodi et fratribus et eorum successoribus ingredi ad namiandum de die in diem quousque dictus redditus plenarie persoluatur Ego uero custos et fratres et successores nostri predicto Stephano et heredibus suis uel suis assignatis dictam domum cum pertinentiis contra omnes homines et feminas warantizabimus adquietabimus et defendemus in perpetuum Et sciendum est quod predictus Stephanus et heredes sui uel sui assignati sumptibus suis propriis sustentabunt et reparabunt predictas domos cum pertinentiis in perpetuum Et si contingat quod predictus Stephanus uel heredes sui uel sui assignati dictam domum uendere uoluerint uel ad firmam ponere dictus custos et fratres et eorum successores erunt propinquiores omnibus aliis si tantum dare uoluerint quantum alii Pro hac autem donatione concessione et warantizatione dedit nobis predictus Stephanus tres marcas et dimidiam argenti pre manibus in gersumam Ut igitur prescripta firma et stabilia in perpetuum permaneant hoc presens scriptum sigillo nostro communi confirmauimus hiis testibus Iohanne de Colesulle Galfrido de Henkesteseye tunc prepositis Oxonie Willelmo de Chiltone Waltero Kepeharme Rogero le Boltere Ricardo de Huntindone Wymundo le Lingedrapere Willelmo le Saumplarier Willelmo de Torpe Galfrido Belesue clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.