Notum sit omnibus tam presentibus quam futuris quod ego Elyas filius Rogeri de Wimberuile reddidi remisi et quietam clamaui pro me et heredibus meis domino Gilberto abbati et conuentui ecclesie sancte Marie de Egnesham totam terram meam cum omnibus pertinentiis suis sine aliquo retinemento quam de eis tenui in uilla et campis de Fulebroc et totum ius et clamium quod habui uel habere potui in tota predicta terra cum omnibus pertinentiis suis predictis abbati et conuentui et eorum successoribus in perpetuum resignaui ita quod nec ego Elyas nec aliquis heredum meorum aliquod ius uel clamium in predicta terra cum suis pertinentiis de cetero habere poterimus Pro hac autem reddicione remissione resignacione et quieta clamacione dederunt michi dicti abbas et conuentus de Egnesham centum et xxx marcas argenti pre manibus ad acquietandum me de Iudaismo anno gracie m cc L secundo In cuius [etc] hiis testibus etc Est et alia carta fere in eisdem uerbis

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.