Sciant presentes et futuri quod ego Thomas le Uerrer et Iohanna de Farndone uxor mea dedimus et concessimus et hac presenti carta nostra confirmauimus et omnimodo quietum clammauimus pro nobis et heredibus nostris imperpetuum Angneti de Farndone filie et heredi Iohanne de Farndone et heredibus suis uel suis assignatis pro seruitio suo totum ius nostrum et clameum quod habemus uel habuimus uel habere poterimus in tenemento quod Robertus de Westone et Iohanna de Farndone quondam tenuerunt in parochia beate Marie Oxonie quod tenementum iacet inter terram quondam Henrici le Barbur ex una parte et Ioh[annis] de Farndone ex alia parte uidelicet quod tenementum ego predictus Thomas le Uerrer habui de predicta Iohanna de Farndone ad terminum uite mee per scriptum pro uno denario annualis redditus una cum toto iure nostro quod habemus uel habuimus uel habere poterimus in tenemento quod quondam fuit Emme de Farndone in parochia sancti Michelis super magnum pontem Oxonie quod iacet inter terram quondam Iohannis textoris ex una parte et terram Willelmi Uincent ex alia parte cum omnibus pertinentiis [et] libertatibus dictis tenementis pertinentibus habend et tenend dicte Angneti de Farndone et heredibus suis uel suis assignatis quocumque uel quandocumque uendere dare legare assignare uoluerit libere quiete bene et in pace imperpetuum In cuius rei testimonium huic presenti scripto sigilla nostra apposuimus hiis testibus Nicholao de Kingestone tunc maiore Oxonie Andrea de Derham Iohanne de Oeu tunc balliuis Oxonie Henrico Oweyn Galfrido Aurifabro Nicholao de Colushulle Radulpho le Plumber Ricardo Waldri Rogero de Trillemulle Waltero le Rus Hugone le Parmunter et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.