Sciant presentes et futuri quod cum mota esset conventio inter Johannem priorem de Lanrecost[] et eiusdem loci conventus ex una parte et Robertum filium et heredem Ricardi de Castelkairok[] ex altera coram officiale Karl[] super captione animalium predictorum prioris et conventus per Robertum antedictum et suos in pastura de Castelkairok[] eisdem priori et conventui in puram et perpetuam elemosinam data et concessa et super eorundem animalium fugatione a dicta pastura usque ad faldam de Castelkairok[] et ibidem numeratione et etiam super impedimento habend in dicta pastura bidentes cuiuscumque sexus voluerint contra tenorem cartarum et instrumentorum antecessorum predicti Roberti et eiusdem confirmationem conventio antedicta conquievit in hunc modum Videlicet quod dictus prior pro se et conventu suo eligeret duos homines ex parte sua et dictus Robertus pro se et heredibus suis duos ex parte sua et quod prefatus prior proferret coram predictis quatuor instrumenta predicta et quod dicti quatuor ea inspicerent et postea quicquid ipsi super contentionibus supradictis et articulis in dictis instrumentis contentis dicerent et pronunciarent partes antedicte ratum haberent et firmum et inperpetuum tenerent ac in scriptis inter eos redigerent Ad quod faciendum et fideliter tenend partes fide media se astrinxerunt et bona fide promiserunt Coram quibus electis scilicet domino Ricardo de Baumfeld et johanne de Swyneburn[] ex parte prioris et conventus Roberto vero de Warthewyk[] et Roberto de Tylleoll[] ex parte predicti Roberti utraque parte alterius electioni consentiente protulit predictus prior instrumenta sua quibus a predictis quatuor inspectis et diligenter examinatis dixerunt et sic pronunciaverunt Videlicet quod predictus Robertus vel heredes sui seu aliquis nomine ipsorum de cetero non capiant nec capere possint animalia in dicta pastura per predictos priorem et conventum existentia nec a pastura sua fugare vel alicubi amovere a custodia sui pastoris aliquo tempore anni qualicumque ex causa nisi dictus Robertus secundum veram et bonam conscienciam credidit et firmiter intellexerit quod predicti prior et conventus habeant in dicta pastura animalia ultra numerum in cartis suis contentum videlicet ultra ducentas oves cum suis agnis secum commorantibus usque ad festum sancti Johannis Baptiste viginti vaccas cum uno tauro et sequela sua unius anni triginta capras cum suis caprillis secum commorantibus quolibet anno usque ad Pentecosten octo boves duos averes et si sic credidit et intellexerit tunc licebit Roberto per visum alicuius ex parte prioris cum suo pastore si ad hoc venire voluerint cum per predictum Robertum premuniti fuerint semel vel bis tamen in anno dicta animalia numerare Et si venire noluerint cum premuniti fuerint tunc licebit dicto Roberto cum fidelibus hominibus suis dicta animalia numerare Ita tamen quod a pastura sua nullatenus amoveantur sed ibidem ubicunque ad minus dampnum et nocumentum predictorum animalium fieri poterit numerentur Et si nullo modo extra clausum poterunt numerari faciat idem Robertus aliquod clausum si voluerit in dicta pastura in aliquo loco predictis animalibus minus nocivo ut illic ad minus nocumentum et gravamen quod poterit numerentur Et hoc non nisi semel vel bis tantum in anno ut supradictum est non tamen quolibet anno nisi secundum veram et bonam conscienciam ut supradictum est credidit et intellexerit quod predicti prior et conventus plura animalia habeant in dicta pastura quam secundum cartas suas habere debeant in eadem Dixerunt etiam et pronunciaverunt quod licebit dictis priori et conventui habere in dicta pastura bidentes cuiuscunque sexus voluerint pro voluntate sua quolibet tempore anni dum tamen dictum numerum non excedant In cuius testimonium partes predicte omnibus et singulis supranotatis consensum prebentes et assensum sigilla sua huic scripto in modum cirographi confecto alternatim apposuerunt Datum apud Lanrecost[] die purificationis beate Marie Virginis anno Domini m ducentesimo septuagesimo septimo

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.