Sciant presentes et futuri quod ego Willelmus filius magistri Roberti de Prestone dedi concessi et hac presenti carta mea confirmaui magistro et fratribus et infirmis hospitalis sancti Iohannis extra portam orientalem Oxonie in perpetuam elemosinam duas marcas annui redditus de uno mesuagio in parochia sancte Marie Oxonie in uico de Cattestrate quod est inter domum Prioris sancte Frideswyde ex parte una et domum abbatisse de Godestowe ex altera cum omnibus pertinentiis et omni iure et clamio que michi uel heredibus meis uel assignatis contingere poterit scilicet in wardis releuiis et eschetis habend et tenend dictis magistro et fratribus et eorum successoribus de me et heredibus meis uel assignatis libere quiete bene et in pace in perpetuum reddendo inde annuatim capitalibus dominis seruitium inde debitum et consuetum Ego uero Willelmus et heredes mei uel assignati predictis magistro et fratribus et infirmis et eorum successoribus predictum annuum redditum de messuagio cum pertinentiis contra omnes homines mares et feminas Cristianos et Iudeos sine fraude warantizabimus in perpetuum ac defendemus Pro hac autem donatione concessione et presentis carte confirmatione et warantizatione dederunt michi predicti magister et fratres et infirmi undecim marcas sterlingorum in gersumma Et ut hec mea donatio concessio et presentis carte confirmatio et warantizatio robur firmitatis obtineant presentem cartam sigilli mei impressione roboraui Hiis testibus Ada Feteplace tunc maiore Oxonie Galfrido de Hegseye Galfrido Aurifabro tunc balliuo Oxonie Willelmo de Heu Simone Scotico et multis aliis Ista carta confecta fuit die Innocentium anno regni regis Henrici filii Iohannis regis quinquaquesimo secundo Testibus testibus supradictis Rogero clerico de Cumenore Willelmo le Yreis Ricardo de Tackele Willelmo le Mustarder et iterum aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.