Omnibus Christi fidelibus hoc presens scriptum uisuris uel audituris Robertus de Derbi illuminator salutem in domino Noueritis me concessisse dimisisse et liberasse et obligasse fide media pro me et heredibus meis et assignatis meis domum meam in Catthestret in parochia sancte Marie de Oxonia que fuit Willelmi de Rependone domui Hospitalis sancti Iohannis extra portam orientalem Oxonie pro xxxii solidis quos dicte domui soluere debui anno regni regis Henrici xxv et insuper pro xii solidis quos dicte domui soluere debeo anno regni regis Henrici xxvi Concessi etiam pro me et heredibus meis et assignatis meis quod predicta domus Hospitalis sancti Iohannis Oxonie habeat et teneat predictam domum meam in Catthestret in parochia sancte Marie de Oxonie bene et in pace libere et quiete quousque ei plenarie satisfactum fuerit de predictis xxxii solidis et insuper de xii solidis predictis saluo tamen redditu annuo qui debetur domino feodi illius Et si contingat quod domus illa infra illuc tempus quo quidem dicte domui plenarie de totali debito prenominato satisfecerim in toto uel in parte reparari indigeat de custo meo omnino reparabitur et nichil de custo dicti Hospitalis Et in huius rei testimonium sigillum meum una cum sigillo magistri Radulfi de Heyham tunc cancellarii Oxonie apposui Hiis testibus domino Roberto capellano de Sancta Maria domino Roberto uicario de Sancto Petro Thoma le Uerrer Willelmo le Specer de Wintonia Laurentio Log et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.