Sciant presentes et futuri quod ego Henricus de Gamages dedi et concessi et hac presenti carta mea confirmaui Henrico Perle totam illam terram cum pertinentiis suis que iacet inter terram que fuit Iohannis Piscatoris et terram prioris sancte Frideswide in parochia sancte Marie uirginis Oxonie scilicet in Gropechunte lane habendam et tenendam sibi et heredibus suis uel suis assignatis de me et heredibus meis libere quiete pacifice et integre reddendo inde annuatim michi et heredibus meis ipse et heredes sui unum denarium ad Pascha et capitalibus dominis illius feodi seruitium inde debitum pro omni seruitio exactione et demanda Ego autem et heredes mei warantizabimus predictam terram cum pertinentiis suis predicto Henrico et heredibus suis uel suis assignatis contra omnes homines et Cristianos et Iudeos imperpetuum Pro hac autem donatione concessione et carte mee warantizatione dedit michi predictus Henricus centum solidos argenti pre manibus in gersumam Et ut hec omnia prescripta firma et stabilia sine dolo et impedimento mei uel heredum meorum imperpetuum permaneant huic presenti scripto sigillum meum apposui hiis testibus Thoma de Submuro tunc maiore Oxonie Hugone Aluredo le Spicer tunc prepositis Galfrido de Stocwelle Willelmo Lesspicer Ada Fabro Radulfo de Swham Roberto Ruffo Waltero de Middeltone Willelmo Uenatore clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.