Sciant presentes et futuri quod ego Walterus de Enesham Illuminator dedi et concessi et quietum clamaui pro me et heredibus meis magistro Martino de Wintonia illud mesuagium cum omnibus pertinentiis et aisiamentis suis et totum ius quod in eo habui uel habere potui quod scilicet mesuagium est inter terram Iohannis Pilet et terram Agathe filie Agnetis iuxta cimiterium beate Marie uirginis in Oxonia habend et tenend sibi et heredibus suis uel suis assignatis pro me et heredibus meis in perpetuum libere quiete et integre reddendo inde annuatim pro me et heredibus meis capitali domino feodi quatuor solidos ad quatuor terminos anni uidelicet ad Natale domini xii denarios et ad festum beate Marie in Martio xii denarios et ad Natiuitatem beati Iohannis Baptiste xii denarios et ad festum sancti Michelis xii denarios pro omni seruitio exactione et demanda Pro hac autem donatione concessione et quieta clamatione dedit michi predictus magister Martinus xii marcas argenti in gersumam In huius rei testimonium huic scripto sigillum meum apposui Hiis testibus Galfrido de Stocwelle tunc maiore Oxonie Laurentio Log et Iohanne Pille tunc prepositis Thoma le Werrur Alano Submuro Roberto le Rus Iohanne de Stanleyas Thoma Scriptore Roberto de Derbi Thoma Pasche Willelmo de Breiles Adam de Couentre Iohanne Bulebanne et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.