Hec est conuencio facta inter dominum Iohannem abbatem et conuentum de Oseneya et Robertum Bonualet de Oxonia cordewanarium ex altera uidelicet quod idem abbas et conuentus con[cesserunt et tradi]derunt eidem Roberto totum illud me[suagium] cum pertinenciis suis [iuxta tenementum Roberti filii] Aldithe [in parochia sancti Iohannis inter tenementum eiusdem] abbatis et conuentus ex una parte et feodum prioris et conuentus sancte Frideswithe ex altera scilicet aulam et duo solaria cum cellariis cum warderoba et coquina lapide coopertis tenend et habend ad feodi firmam sibi et heredibus suis in perpetuum libere quiete et integre reddendo inde annuatim dictis abbati et conuentui quadraginta solidos scilicet ad festum sancti Michaelis decem solidos et ad Natale domini decem solidos et ad festum sancte Marie in Marcio decem solidos et ad festum Sancti Iohannis Baptiste decem solidos pro omni seruicio et demanda Idem autem Robertus pro se et heredibus suis concessit ut procuratores domorum dicti abbatis et conuentus in Oxonia possint ingredi dictum mesuagium et namiare Insuper obligauit eidem abbati et conuentui nomine pignoris totum tenementum suum quod est inter terram Philippi Burgais et terram Rogeri de Driffeld in parochia sancti Edwardi Oxonie ad ingrediendum et namiandum in eodem si layci inhabitauerint si uero clerici inhabitauerint ut idem clerici coherceantur per prohibitionem Cancellarii Oxonie qui pro tempore fuerit ne ipsi clerici dicto Roberto nec alicui suorum pensionem dicti tenementi prefatis canonicis obligati persoluant donec idem Robertus uel heredes sui ipsis abbati et conuentui super areragiis dictorum quadraginta solidorum in prefatis terminis soluendorum saluis dampnis ipsos canonicos contingentibus occasione alicuius reparacionis omisse in dicto mesuagio satisfecerint competenter Et non licebit dicto Roberto uel heredibus eius prefatum mesuagium alicui uendere uel alienare nec inuadiare nec alicui clerico uel laico legare uel obligare sine consensu dictorum abbatis et conuentus Idem uero Robertus et heredes sui prefatas domos dicti mesuagii sustinere debent et integras conseruare sicut eas recepit dictus Robertus Si autem per negligenciam uel defectum ipsius uel heredum suorum deciderint uel deteriorate fuerint [licebit] dictis canonicis predictum mesuagium suum namiare et in manum suam saisire et sepedictum Robertum et heredes eius per tenementum sibi obligatum compellere ad restaurationem dictarum domorum donec per visum legalium hominum ad statum [pristi]num restituantur Prefati uero abbas et conuentus dictum mesuagium cum pertinenciis dicto Roberto et heredibus eius in perpetuum contra omnes gentes warantizabunt Pro hac uero warantizacione concessione conuencione dictus Robertus dedit canonicis dimidiam marcam in gersumam Et ut omnia predicta rata et stabilia in perpetuum permaneant partes presenti cyrographo sigilla sua altrinsecus apposuerunt hiis testibus

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.