Ita conuenit inter abbatem et conuentum de C ex parte vna et abbatem et conuentum de Wynchecombe ex altera de maneriis de Yaneworth[] et Haselton[] sc quod si latro extraneus captus fuerit infra dicta maneria predictus latro statim liberabitur balliuis predictorum abbatis et conuentus C cum latrocinio suo et omnibus catallis suis et si fuerit de predictis maneriis similiter liberabitur predictis balliuis cum latrocinio suo et catalla sua remanebunt in manus balliuorum predictorum abbatis et conuentus de Wynchecomba per visum balliuorum predictorum abbatis et conuentus C quousque iudicium de eo factum fuerit et tunc liberi homines de predictis maneriis venient ad hundredum ipsorum abbatis et conuentus de C ut intersint iudicio donec iusticia fiat de eo jta quod predicti abbas et conuentus de Wynchecombe nec aliqui homines sui de predictis maneriis venient ad predicta hundreda ad faciendum iudicium de aliquo alio prisone nec ad efforciamentum curie nec ad breue domini regis nec ad aliquam aliam sectam ad predicta hundreda faciendam Item predicti abbas et conuentus de C et successores sui habeant semel in anno visum franchiplegii in maneriis predictis et abbas et conuentus de Wynchecomba facient balliuis hospicium suum sicut ipsi et predecessores sui facere consueuerunt Et si quis inciderit in misericordia pro concelamento uel pro aliquo alio delicto misericordia illa sit predictorum abbatis et conuentus de Wynchecomba et successorum suorum jta quod omnia placita sint ipsorum abbatis et conuentus de Wynchecomba preter placita corone et attachiamenta latronum Et si aliquis indictetur in predictis maneriis siue latro siue receptator latronum statim liberabitur balliuis predictorum abbatis et conuentus de C vbicumque fuerit indictatus et balliui dictorum abbatis et conuentus de Wynchecomba facient eis conductum usque ad prisonam eorum de C Et predicti abbas et conuentus de Wynchecomba et successores sui habeant omnia placita in predictis maneriis de sanguine fuso et vthest leuato preter placita corone Et si forte querimonia peruenerit ad balliuos abbatis et conuentus C de predictis placitis et attachiamentum aliquod inde fecerint et abbas et conuentus Wynchecombe uel balliui sui legitimo tempore pecierint curiam suam eam habeant et si non placita illa remaneant balliuis dictorum abbatis et conuentus C ea vice Item predicti abbas et conuentus Wynchecombe et successores sui habeant waiuia dummodo primo arestata fuerint in predictis maneriis Et si forte arestata uel capta fuerint extra predicta maneria et postea veniant in maneria illa statim liberentur balliuis ipsorum abbatis et conuentus C absque hoc quod balliui abbatis et conuentus Wynchecombe aliquam forisfacturam ab eis inde exigere possint Et si forte aliquis questus fuerit de predictis abbate et conuentu de Winchecomb[] uel de balliuis suis dummodo factum fuerit nomine ipsorum abbatis et conuentus de Winchecombia respondeant in curia predictorum abbatis et conuentus de C Et si aliquis questus fuerit de balliuis ipsorum abbatis et conuentus de Winchecumbia de aliquo facto solummodo ipsos balliuos tangente et non dictos abbatem et conuentum jdem abbas et conuentus de Winchecumbia habeant curiam suam de eis sicuti de aliis tenentibus suis dictorum maneriorum Predicti vero abbas et conuentus de Winchecumb[] uel balliui sui maliciose non trahantur in placitis curie predictorum abbatis et conuentus de C per ipsos abbatem et conuentum nec per balliuos suos nisi pro manifesto delicto et si fuerint transgressio illa eisdem abbati et conuentui de Winchecumb[] statim emendetur In huius rei testimonium presens scriptum in modum cyrographi est confectum et parti dictorum abbatis et conuentus de Winchecumb[] signum commune abbatis et conuentus C est appensum Similiter et parti predictorum abbatis et conuentus C singnum commune abbatis et conuentus Winchecumb[] est appositum Actum anno dominice Incarnacionis mccxlix die s Laurencii

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.