Sciant presentes et futuri quod ego Willelmus filius Swetingi debeo Isaac et Simoni fratri suo filiis Mosei de Bristou triginta libras sterlingorum reddendas tribus terminis scilicet decim libras ad festum sancti Iacobi apostoli prox[imum] post mortem Roberti Foliot episcopi Herefordie et x libras ad festum sancti Michelis proximum post sequens et x libras ad Natale domini proximum post sequens Et nisi terminis prefatis hoc debitum reddidero dabo de omni termino preterito pro quaqua libra quaqua septimana duos denarios de lucro quamdiu tenuero per libitum illorum Et pro toto prefato debito et lucro si acciderit inuadiaui illis meum capitale mesuagium cum omnibus pertinentiis suis sine ulla retinentia scilicet quod est inter domum Willelmi fratris Anketilli et domum que fuit Radulfi Crosel quod mesuagium predicti Iudei habebunt et tenebunt donec predictum debitum et lucrum si acciderit illis reddidero ad libitum illorum Hanc conuentionem affidaui ego predictus Willelmus filius Sweting et Liuiua uxor mea tenend prefatis Iudeis uel heredibus eorum sine omni malo ingenio Et ego Willelmus filius Sewetingi sigillo meo confirmaui Et ego Thomas filius Eilrich plegius sum predicti debiti et lucri si acciderit et affidaui quod satisfaciam predictis Iudeis de toto prefato debito et lucro infra xv dies postquam summonitus fuero nisi predictus Willelmus filius Swetingi fecerit et hoc pactum sigillo meo confirmaui

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.