Venerabili domino et patri Johanni Dei gratia Exoniensi episcopo et Exoniensis ecclesie capitulo universisque sancte Dei ecclesie filiis comes Baldevinus comitis Ricardi filius salutem Noverit universitas vestra me concessisse et presentis scripti attestatione et sigilli mei appositione confirmasse in liberam et perpetuam elemosinam Deo et monasterio sancti Iacobi iuxta Exon[] et monachis ibidem Deo servientibus donationem medietatis ecclesie de Twivertona quam medietatem comes Ricardus pater meus eis dedit et per manum Roberti episcopi et ipsius in vestituram in perpetuum concessit Ego quoque concedo et eisdem monachis confirmo predicte ecclesie predictam medietatem cum omnibus pertinentiis suis terris decimis oblationibus sepulturis capellis et omnimodis fructibus et obventionibus et omnimodis libertatibus eo tenore et eodem modo et adeo libere et honorifice et pacifice possidendam scilicet ut episcopalium consuetudinum solutionibus immnunes et liberi orationibus et quieti vacentes ministrandi vel non ministrandi in sepedicta ecclesia liberam habeant faccultatem altera medietate donationi et presentationi mee et heredum meorum reservata duobus clericis qui in illa medietate me vel aliquo successorum meorum eligente et presentante constituentur totius ecclesie ministerio et spiritualibus parochianorum necessitatibus assidue et in perpetuum deputatis qui omnium episcopalium consuetudinum onera in se suscipiant atque perficiant sicut carta patris mei comitis Ricardi testatur Confirmo quoque eisdem monachis totam terram et totum boscum de Cottelege cum omnibus pertinentiis suis mobilibus et immobilibus adeo libere et integre possidendam sicut carta eiusdem patris mei comitis Ricardi testatur Concedo quoque et confirmo predictis monachis totam terram de Wlcumbe cum omnibus pertinentiis suis mobilibus et immobilibus Confirmo similiter eis omnes terras cum omnibus pertinentiis suis adeo liberas ab omnibus exactionibus et consuetudinibus et occasionibus et ab omni servicio et opere servili immunes sicut eas ex donatione Walterii de sancto Iacobo comes Ricardus eis confirmavit Confirmo quoque eis ex donatione comitis Baddewini[] avi mei et ex concessione et confirmatione comitis patris mei Ricardi quicquid iuste et legaliter adquirere potuerunt in terra mea et in feudo meo et ut habeant curiam et iusticiam suam de omnibus terris et hominibus suis et in omnibus que de feudo meo sunt Confirmo quoque eis medietatem decime de piscaria mea de Toppesham et ex donatione Avicie de sancto Leonardo ii acras terre in quibus conductus aque molendini eorum factus est et redundationem aque de exclusa molendini monachorum in terra ipsius Avicie Concedo quoque et confirmo eis ut nova molendina faciant in terra sua ubicunque voluerint et ex donatione Stephani filii Nigelli terram de Winterhilla et totam terram quam eis dedit sicut carte ipsius Stephani testantur Omnes supradictas terras tenementa res et possessiones predictis monachis adeo libere et integre et plenarie et pacifice possidenda concedo et confirmo sicut carte antecessorum meorum et eorum qui de feudo meo aliquid eis in elemosinam contulerint testantur His testibus Willelmo Giffard[] Willelmo de Argenteom Waltero de Heli Roberto de Wouci Petro de Chaluns Galfrido de Menhuil Symon Purcel Martino Perdume Ricardo de Hlidefort Alveredo custode Ricardo capellano de Twivert[] Roberto de Insula clerico Roberto Butellar[] Willelmo Binnawalle Waltero capellano

Source Fulltext: Charters of the Redvers Family and the Earldom of Devon. R. Bearman. Devon and Cornwall Record Society, New Series, V.37. Devon and Cornwall Record Society. Exeter. 1994.