Nouerint uniuersi quod cum Willelmus Abbas de Oseneye implacitauit Willelmum de Hedyndone le mercer per breue domini regis in Oxonia eo quod leuauit quamdam domum ad nocumentum liber tenementi sui quod est in bocheria eiusdem uille ex parte australi inter tenementa quondam Willelmi Wyz et dicti Abbatis conuenit inter eosdem in hunc modum uidelicet quod idem Willelmus le mercer concessit dicto Abbati et successoribus suis pro se et heredibus suis seu assignatis quod faciet quamdam gutteram et sustentabit supra murum dicte domus propinquiorem tenemento Abbatis predicti per quam decurret aqua ceuerunde eiusdem W le mercer usque ad stratam regiam uersus aquilonem fenestre etiam sub dicta ceuerunda tam barris ferreis quam uitro bene claudentur Set si contigat dictam Abbatem seu successores suos super tenementum suum prope dictam domum edificare dicte fenestre petra et calce penitus obstruentur De guttera orientali dicte domus dictus Willelmus heredes sui seu assignati tenementum Abbatis predicti ab omni nocumento imperpetuum conseruabunt Guttera autem que est extransuerso ad capud australe prefate domus supra murum Abbatis per dictum Willelmum heredes suos seu assignatos imperpetuum fiet et sustentabitur ita tamen quod aqua eiusdem guttere decurret super tenementum dicti Abbatis Et si prefatus Abbas seu successores sui illuc altius seu alio modo edificare uoluerint nichilominus dicta guttera per prefatum Willelmum heredes suos seu assignatos fiet et sustentabitur In cuius [...] hiis testibus domino Nicholao de Kyngestone tunc maiore Oxon Nicholao de Coleshulle Iohanne Sewy tunc balliuis Henrico Owayn Galfrido Aurifabro Iohanne de O Nicholao Aurifabro et aliis

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.