Hec est conuentio facta inter dominum Willelmum Abbatem et Conuentum Oseney ex parte una et Thomam de Middiltone et Matildam de Chelreye uxorem suam ex altera uidelicet quod idem Abbas et Conuentus concesserunt et dimiserunt eisdem illud tenementum angulare cum omnibus edifitiis et pertinentiis quod Cecilia le Palmere quondam tenuit in parochia sancti Petri in ballio Oxonie quod quidem tenementum situm est inter tenementum dictorum Abbatis et Conuentus ex parte australi et tenementum aliquando Walteri le Palmere ex parte orientali habend et tenend dictis T et M uel eorum alteri qui superuixerit ad totam uitam suam exceptis duabus seldis eiusdem tenementi quas dicti Abbas et Conuentus sibi retinuerunt reddendo inde annuatim triginta solidos sterlingorum ad quatuor anni terminos uidelicet ad festum sancti Thome apostoli vii sol et vi d [...] pro omni seruitio seculari [...] In cuius [...] hiis testibus Nicholao de Kingestone tunc maiore Oxonie Nicholao de Colishulle et Iohanne Sewy tunc prepositis Andrea de Duram Thoma Pope Hugone de Pershouere Iohanne de Oseneya et aliis

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.