Uniuersis Cristi fidelibus presentes litteras uisuris uel audituris frater Iacobus humilis abbas sancti Nicholai Andegauie et eiusdem loci conuentus salutem in domino Nouerit uniuersitas uestra quod cum coram Thesaurio et archidiacono Stoye in ecclesia Lincoln iudicibus a uenerabili patre domini Lincolniensi episcopo deputatis super petitione cuiusdam annue pensionis octo solidorum inter nos ex una parte et dictum priorem de Longeuile ex altera materia questionis fuisset exorta tandem post multa et uaria communibus amicis interuenientibus sub hac forma finem accepit questio memorata uidelicet quod nos omnibus petitionibus actionibus et omni iuri super huiusmodi petitionibus octo solidorum qualitercumque competentibus simpliciter et absolute tenore presentium ad instantiam dictorum prioris et conuentus et amicorum communium pro eiusdem interuenientium renuntiamus et omnino remittimus fideliter promittentes in uerbo ueritatis et sacerdotii nos de cetero dictis priori et conuentui nullam super permissis questionem moturus Predicti uero prior et conuentus spontaneam remissionem predictam plenius considerantes ad emendationem et meliorationem ecclesie nostre centum solidos sterlingorum pre manibus numerauerunt et soluerunt Et ne de cetero capitulum de Longuauilla seu prior et conuentus predicte domus super petitionibus octo solidorum supradictis per nos uel successores nostros grauari possent qualitercumque seu molestari presentes litteras remissionis et quiete clamationis sigillis nostris signatas eisdem fieri fecimus patentes Dat apud Andegauim die Sabbati in octabis beati Stephani prothomartiris anno ab Incarnatione domini MCC septuagesimo primo

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.