Inquisicio facta per preceptum domini regis per sacramentum proborum et legalium hominum si sit ad dampnum domini regis et hominum partes [sic] de Grymolby versus Ludam transeuntium si concedat Elie de Rabayn quod viam que ducit de Grymmolby versus Ludam que jacet ad nocumentum manerii predicti Elye in Styueton obstruere possit Ita quod transitus hominum per viam de Suthuses et non ibi habeatur et si ad dampnum domini regis et nocumentum hominum predictorum existat ad quod dampnum et quod nocumentum Et per sacramentum hominum subscriptorum scilicet Willelmi Travers de Lekeburn Ranulphi de Wythcale Herberti Puterel de eadem Johannes filii Mariote de Grymmolby Roberti Coper de eadem Johannis filio Laurencii de eadem Ricardi Vyleyn de Kelesterne Henrici Clerici de eadem Willelmi Kamb[] de eadem Ricardi filii Herberti de Alvyngham Willelmi Fossard de Welleton Willelmi filii Abraham Willelmi ad Fyrriam et Walteri de Reytheby Qui dicunt super sacramentum suum quod non est ad dampnum domini regis si concedat predicto Elie quod viam predictam obstruere possit Ita quod transitus hominum per viam de Suthuses et non ibi habeatur Set dicunt quod est ad nocumentum hominum predictorum per partes illas transeuntium et ad tale nocumentum quod homines predicti euntes de Grimmolby usque ad mercatum de Luda irent longius in eundo et redeundo per unam leucam per viam de Suthuses quam per viam que ducit de Grymmolby versus Ludam

Source Fulltext: The Medieval Lindsey Marsh, Select Documents. A. E. B. Owen. Lincoln Record Society, V.85. Lincoln Record Society. Boydell Press. Woodbridge, Suffolk. 1996.