Universis sancte matris ecclesie filiis presens scriptum visuris vel audituris Simon prior Norwicensis et eiusdem loci conventus salutem in domino Cartam venerabilis patris Walteri dei gracia episcopi Norwycensis inspeximus in hec verba Omnibus Christi fidelibus presentes litteras visuris vel audituris Walterus dei gracia Norwicensis episcopus salutem in domino sempiternam Cum venerabilis pater dominus W de Raleghe predecessor noster dilectis filiis priori et conventui de Longavilla ecclesiam sancte Marie de Wychingham in usus proprios concesserit conferendam nos ipsius concessionem ratam habentes et acceptam memoratam ecclesiam dictis priori et conventui in usus proprios conferimus concedimus et auctoritate episcopali confirmamus salva vicaria que consistit in altaragio prefate ecclesie et totali libera terra ipsius ecclesie ad quam vicariam quocienscumque ipsam vacare contigerit dicti prior et conventus quemcumque per nos vel successores nostros duximus nominandum ad eandem vicariam nobis et successoribus nostris presentabunt Quod si infra tempus legittimum dicti prior et conventus personam a nobis vel successoribus nominandum ad dictam vicariam presentare distulerint nos et successores nostri ipsam vicariam irrequisito dictorum prioris et conventus assensu et consensu cuicumque voluerimus conferemus Vicarius vero qui pro tempore fuerit sustinebit omnia onera episcopalia et archidiaconalia debita et consueta Ordinamus etiam quod procurator dicti prioris qui pro tempore fuerit distribuet singulis annis duas summas pisarum pauperibus parochie de Wychingham in capite ieiunii prout melius viderit expedire salvis in omnibus episcopalibus consuetudinibus et nostre Norwicensis ecclesie dignitate In cuius rei testimonium huic scripto sigillum nostrum apponi fecimus hiis testibus magistro Willelmo de Suffend archidiacono Norwic[] magistro W de Borham archidiacono Suthfolcie magistro R de Insula archidiacono Colecestrie dominis Iohanne de Boltham et Thoma de Theye capellanis Willelmo de Whitewell Thoma de Walecot Willelmo de Lutham clericis Egidio de Wlatewell capellano et aliis Dat[] apud Thorp iiii Non Aprilis anno domini mcc quinquagesimo primo et pontificatus nostri anno vii Nos igitur dictam concessionem collationem et confirmationem ratas habentes et acceptas ipsas unanimi assensu sigillo capituli nostri roboramus et confirmamus In cuius rei testimonium presenti scripto sigillum capituli nostri apponi fecimus Dat[] apud Norwicum die Martis post festum apostolorum Petri et Pauli anno domini mccli

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.