Omnibus Christi fidelibus praesens scriptum visuris etc Frater Willelmus Abbas et Conventus Furnes salutem in Domino Noveritis nos concessisse dedisse et hac praesenti carta nostra confirmasse Willelmo filio Henrici de Mertona et heredibus suis in escambiis quandam partem terrae nostrae in campis de Mertona et de Orgrave videlicet apud Colestub ac Stermanwra novem acras in latere de Dalesclach duas acras et dimidiam in Wiregrene dimidiam acram juxta Cartegate dimidiam acram in Clailande tres acras inter Kylnepotte et Dalesclach[] tresdecim acras et tres rodas inter Byrested et Carlecroft decem acras in Gwynnebank duas acras et totum pratum quod Johannes filius Bernardi et Gaufridus Casse in Mertona pro quibusdam terris quas nobis contulit sicut carta ipsius quam inde habemus plenius testatur tenend et habend totam praedictam terram cum omnibus suis pertinentiis et aisiamentis de nobis et successoribus nostris sibi et heredibus suis in feodo et hereditate libere quiete honorifice sicut terram illam quam nobis contulit tenere solebat Nos vero et successores nostri praedictam terram cum pertinentiis praefato Willelmo et heredibus suis contra omnes homines warantizabimus quamdiu terram quam nobis dedit in escambium warantizabit In cujus rei testimonium praesenti scripto sigillum nostrum apposuimus Acta apud Furnes anno m cc l i mense Julii Testibus Dominis Will de Fournes Ricardo de Cauplande Alexandro de Kirkeby militibus etc

Source Fulltext: The Coucher Book of Furness Abbey. J. C. Atkinson. Remains, Historical and Literary, Connected with the Palatine Counties of Lancaster and Chester, New Series V.9. Chetham Society. Manchester. 1886.