Uniuersis sancte matris ecclesie filiis presens scriptum uisuris uel audituris frater Petrus prior de Luffeld et eidem loci conuentum eternam in domino salutem Nouerit uniuersitas uestra nos unanimi assensu totius capituli nostri concessisse et confirmasse Ricardo Bacun filio Ade Bacun de Chaldelak[] omnes terras et tenementa quas dictus Ade Bacun pater dicti Ricardi Bacun quondam tenuit de nobis in uilla et campis de Chaldelak[] Habenda et tenenda dicta tenementa una cum mesuagio cum omnibus pertinentiis suis de nobis et successoribus nostris dicto Ricardo Bacun et heredibus suis libere quiete bene et in pace ac hereditarie inperpetuum reddendo inde annuatim nobis et successoribus nostris ii solidos iiii denarios ad duos anni terminos uidelicet ad festum sancti Petri quod dicitur aduincula xviii denarios et ad festum sancti Michelis x denarios cum curiarum sectis pro omnibus seruitiis consuetudinibus et demandis que ad nos pertinent saluis forinsecus si euenerint et saluo releuio predicte terre Nos uero dicti prior et conuentus et successores nostri predictum tenementum cum mesuagio et cum omnibus pertinentiis suis dicto Ricardo Bacun et heredibus suis sicut predictum est contra omnes gentes warantizabimus acquietabimus et per predictum seruitium defendemus Ut autem hec omnia que a nobis concessa sunt firma permaneant presenti scripto sigillum capituli nostri apposuimus in testimonium Hiis testibus Rogero Trimenel de Foxcote Nicholao West de eadem Nicholao de Tenford filio Iohannis de Costowe Iohanne attache de Abbetrop Rogero filio Iohannis de eadem et aliis Datum apud Luffeld[] die dominica proxima ante festum sancti Andree apostoli anno regni regis Edwardi octavodecimo

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.