Omnibus Christi fidelibus ad quos hoc presens scriptum pervenerit frater Willelmus de Haunle sancte domus hospitalis sancti Iohannis Ierusalem humilis prior in Anglia salutem in Domino Noverit universitas vestra nos de consensu fratrum capituli nostri concessisse et hoc presenti scripto confirmasse Philippo pistori de Halstede et heredibus suis totam illam cruftam terre cum pertinentiis que vocatur Sperkeslond continentem in se septem acras cum pertinentiis et iacet in Halstede apud Stubleye inter terram Willelmi de Stubleye et terram Sewalli de Stubleye et unum capud abuttat super terram Iohannis filii Willelmi et aliud super regiam stratam ducentem de Halstede versus Sudbury cum sepibus et fossatis sicut illa crufta includitur una cum illo mesuagio quod idem Philippus tenet in Halstede et iacet inter mesuagium Willelmi mercatoris ex parte una et mesuagium quondam Walteri Everwine ex parte altera cum omnibus pertinentiis suis habend et tenend predicto Philippo et heredibus suis bene et in pace libere [et] quiete imperpetuum reddendo inde annuatim domui nostre de Mapeltrestede tres solidos et unum denarium videlicet pro terra vocata Sperkeslond duos solidos et septem denarios et pro predicto mesuagio sex denarios et hoc ad duos anni terminos scilicet ad Pascha et ad festum sancti Michaelis per equales porciones pro omnibus serviciis et demandis ad nos inde spectantibus salvis tamen domui nostre antedicte de Mapeltrestede in obitu suo et heredum suorum successive decedencium decem solidos argenti In cuius rei testimonium huic presenti scripto in modum cirographi confecto sigillum capituli nostri est appensum Hiis testibus fratre Roberto de Somerby fratre Rogero de Sprottole fratre Stephano de Gloucestria fratre Thoma de Otteford tunc preceptore de Mapeltrestede et aliis Datum in celebracione capituli nostri de Melcheburn die lune proxima post festum sancte Luce evangeliste anno regni regis Edwardi septimo decimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.