Notum sit omnibus ad quos presens scriptum peruenerit quod ego Iohannis filius Iohannis de Abbetrop et heredes mei et quicunque mei assignati tenemur et per presentes obligatos esse fatemur ad defendendum et acquietandum priorem et monachos de Luffeld[] et eorum successores inperpetuum versus capitales dominos feodi de omnimodis seruiciis exaccionibus consuetudinibus et demandis que de terris et tenementis exigi potuerint que vel quas dicti prior et monachi habent in campis de Abbetrop ex dono et feoffamento Willelmi filii Henrici de Abbetrop prout in cartis dicti Willelmi eisdem priori et monachis inde confectis plenius testatur Et ego dictus Iohannes et heredes mei et quicunque mei assignati vel quicunque dominium terre mee in posterum possidebit dictas terras et tenementa cum omnibus pertinenciis dictis priori et monachis et eorum successoribus contra dominos feodi acquietabimus et defendemus prout in dictis cartis continetur In cuius rei testimonium huic presenti scripto sigillum meum apposui Hiis testibus Iohanne de Tingewik[] Rogero Trimenel de Foxcote Iohanne attehache de Abbetrop Iohanne Iosep de Touecestr[] Iurdano Bere de eadem Rogero Wint[] de eadem Thoma fabro de eadem Datum apud Abbetrop in festo natiuitatis sancti Iohannis baptiste anno regni regis Edwardi filii regis Henrici vicesimo quarto

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.