Notum sit omnibus ad quos presens scriptum peruenerit quod ego Iohannes filius Iohannis de Abthrop et heredes mei et quicumque mei assignati tenemur et per presentes obligatos esse fatemur ad defendendum et acquietandum priorem et monachos de Luffelde et eorum successores imperpetuum uersus capitales dominos feodi illius de omnibus seruitiis exactionibus consuetudinibus et demandis que de terris et tenementis exigi poterunt que uel quas dicti prior et monachi habent in campis de Abbethrop prout in cartis dicti Willelmi eisdem priori et monachis inde confectis plenius testatur Et ego dictus Iohannes et heredes mei et quicumque mei assignati uel quicumque dominium terre mee in posterum possidebit dictas terras et tenementa cum omnibus pertinentiis dictis priori et monachis et eorum successoribus contra dominos feodi acquietabimus et defendemus prout in dictis cartis continetur In cuius rei testimonium Iohanne de Tingewik Rogero Trimenel de Foxcot Iohanne et hache de Abthrop Iohanne Iosep de Towcestr Iordano Bere de eadem Rogero Ronit de eadem Thoma fabro de eadem Datum apud Abthrop in festo natiuitatis sancti Iohannis baptiste anno regni regis Edwardi filii regis Henrici vicesimo quarto

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.