Vniuersis sancte matris ecclesie filiis ad quos presens scriptum peruenerit frater W prior de Luff[] et eidem loci conuentus salutem in domino sempiternam Noueritis nos concessisse ac dimississe pro nobis et successoribus nostris Waltero Wawe de Witlebur[] vnum liberum seruicium in prioratu nostro de Luffeld[] ad totam vitam suam modo subscripto habend videlicet aut custodiam aule hospicii aut granarii aut porte aut grangearum infra prioratum et extra Concessimus etiam ei in esculentis et poculentis sicut ianitor uel magister cocus dicte domus et pro stipendio suo dimidiam marcam Idem uero W fidelitatis et fedelis obsequii iuramentum prestitit eisdem priori et conuentui et obligauit se quod fideliter pro posse suo eis seruiet ad voluntatem et ordinacionem prioris qui pro tempore fuerit in predicto seruicio infra dictum prioratum et extra Et si contingat dictum W aliquo casu fortuito uel infirmitate seu senectute esse detentum ita quod in dictis seruiciis facere non poterit volumus et concedimus quod liberacionem suam plenarie percipiet et infra dictum prioratum cameram ei assignatam ad lectum suum habebit Si idem W ex aliquo delicto notario uel manifesto conuincatur illud arbitrio prioris et maiorum de conuentu racionabiliter emendabit Concessit etiam predictus W pro se et pro suis executoribus pure et simpliciter iuramento interposito medietatem omnium bonorum suorum vbicunque et penes quoscunque fuerint inuenta post huius vite sue terminum sine dolo fraude machinacione dictis priori et conuentui plenarie remanere Pro hac autem concessione dedit predictus W x marcas argenti ad necessitatem ecclesie nostre expedicionis In cuius rei testimonium huic presenti scripto sigillum commune capituli est appensum Datum apud Luffeld[] die apostolorum Philippi et Iacobi anno domino m ccc primo

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.