Nouerint uniuersi presens scriptum uisuri uel audituri quod hec est conuentio facta inter Alanum de Salinge ex una parte et priorem et conuentum de dunmawe ex altera Uidelicet quod dictus alanus et heredes sui inuenient dictis priori et conuentui de dunmawe unum cheminum de latitudine ix pedum quod quidem cheminum incipiet ex regali chemino quod ducit de domo quondam Willelmi pikot uersus domum dicti Alani de Salinge per mediam croftam suam que uocatur Wellecroft in parochia de Salinge sub sepe dicti Alani prati quod uocatur Dranesmad usque ad terram dictorum prioris et conuentus de dunmawe que uocatur Ilansted et dranesland in escambio illius chemini quod dicti prior et conuentus consueuerunt habere per medium illud pratum quod uocatur dranesmad ad predictam terram que uocatur Ilansted ad fugandum et cariandum eundum et redeundum ad dictas terras et de dictis terris quocienscumque uoluerint libere quiete bene et in pace in perpetuum sine dicti chemini depascione ita uidelicet quod dictus prior nec conuentus per dictum cheminum ad alias terras uel loca cariagium uel fugam habeant uel aliquo modo exigere uel uendicare poterunt nec ad dictas terras et a terris scilicet Ilanstede et dranesland Et sciendum quod nemini preter dictos priorem et conuentum per portas suas ad dictum cheminum fiet ingressus nec tantummodo gentibus siue equis euntibus uersus ecclesiam et redeuntibus Inuenient uero dicti prior et conuentus ad utrumque caput dicti chemini portas competentes et serruras ad custum suum et claues penes se custodient Et si ita contingat quod predictus Alanus uel heredes sui per predictas portas male custoditas uel per fugam dictorum prioris et conuentus uel alicuius suorum in blado uel pastura dampnum incurrerint dicti prior et conuentus dicto Alano uel heredibus suis illud dampnum confectum post transgressionem per uisum legalium uirorum sine aliqua contradictione uel cauillatione persoluent et restaurabunt Ad hec omnia firmiter tenend presenti scripto in modo cirografi confecto sigilla sua alternatim apposuerunt Actum anno domini m cc l quinto Hiis testibus etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.