Sciant presentes et futuri quod ego Helewisa filia Ricardi le squier et Ricardus Smallond[] maritus meus dedimus concessimus et hac presenti carta nostra confirmavimus Deo et beato Iohanni Baptiste et fratribus hospitalis Ierusalem in Anglia in perpetuam elemosinam totam terram cum pratis pascuis viis semitis et omnibus pertinentiis quam habuimus vel habere poterimus in villa de Bumsted[] Heliun et in villa de Hamsted[] adeo integre sicut Ricardus le squier eandem terram quondam tenuit habendam et tenendam predictis fratribus libere et quiete bene et in pace solutam et quietam ab omni exaccione ad nos vel ad heredes nostros pertinentibus in perpetuam elemosinam faciendo inde servicium annuum quod ad dictam terram pertinet dominis feodorum Et nos et heredes nostri totam predictam terram cum omnibus pertinentiis suis prenominatis fratribus warantizabimus contra omnes gentes et defendemus in perpetuum In huius rei testimonium huic carte sigilla nostra apposuimus Hiis testibus domino Henrico de Codham milite magistro Henrico de Nuttele domino Andrea de Heliun milite Rogero de Bailol Philippo de Dammartin Galfrido de Olmested[] Galfrido filio Warini Iordano fabro Lancelino filio Radulphi et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.