Omnibus Christi fidelibus ad quos presens scriptum peruenerit robertus de uer comes oxonie salutem in domino sempiternam Noueritis nos pro salute anime mee et puerorum meorum et animabus patris et matris nostre et omnium antecessorum et successorum nostrorum pro nobis et heredibus nostris concessisse et pre scripto confirmasse deo et ecclesie beate marie de dunmawe et canonicis ibidem deo seruientibus et in perpetuum seruituris Totum illud tenementum cum homagiis redditibus et omnibus suis pertinentiis quod magister rogerus filius Alani de salinge tenuit de symone filio symonis de parua reines de feodo nostro in parua reines Et predictis uiris religiosis dedit et concessit prout in carta feoffamenti eisdem uiris religiosis confecta plenius continetur habend et tenend sibi et successoribus suis pro nobis et heredibus nostris totum predictum tenementum cum omnibus suis pertinentiis ut predictum est libere quiete bene et in pace ab omni exactione et seculari demanda in liberam et perpetuam elemosinam Et ut nostra concessio et confirmatio rata et stabilis permaneat sigillum nostro presenti scripto duximus apponendum Hiis testibus etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.