Sciant presentes et futuri quod ego Thomas Pringke et Alitia uxor mea dedimus concessimus et hac presenti carta nostra confirmauimus fratri Waltero tunc custodi hospitalis sancti Iohannis extra portam orientalem Oxonie et eiusdem loci confratribus et infirmis unum mesuagium cum omnibus suis pertinentiis in parochea sancti Petri orientalis Oxonie extra portam orientalem et situm est inter terram quondam Philippi Clerici et terram dicti hospitalis habend et tenend de nobis et heredibus nostris uel nostris assignatis predictum mesuagium cum suis pertinentiis predictis custodi et confratribus et successoribus suis libere quiete bene in pace integre et honorifice imperpetuum reddendo inde annuatim nobis et heredibus nostris uel nostris assignatis unam rosam ad festum Natiuitatis sancti Iohannis Baptiste pro omni seruitio seculari consuetudine exactione et demanda Et nos uero predicti Thomas Pringke et Alitia uxor mea et heredes nostri uel nostri assignati predictum mesuagium cum suis pertinentiis predictis custodi et confratribus et successoribus suis contra omnes homines mares et feminas tam Cristianos quam Iudeos imperpetuum uuarantizabimus acquietabimus et defendemus Pro hac autem donatione concessione carte nostre confirmatione warantizatione et defensione dederunt nobis predicti confratres uiginti solidos sterlingorum in gersumma pre manibus et unum warnementum dicti Thome In cuius rei testimonium huic scripto sigilla nostra apposuimus hiis testibus Nicholao de Kyngistone tunc maiore Oxonie Galfrido Aurifabro Nicholao de Colushulle tunc balliuis de eadem uilla Waltero Aurifabro Willelmo de Eu Elya le Quilter Stephano Ligatore Iohanne Filekyg Willelmo Pille Iohanne le Marischal Philippo Clerico Ricardo de Eppewelle et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.