Procuratorium de Dunmawe in uisitacione domini Roberti de Winchelse Archiepiscopi Cantuariensis Anno domini m ccc tertio Pateat uniuersis per presentes quod nos frater stephanus prior de Dunmawe et eiusdem loci conuentus facimus et constituimus dilectos nobis in Christo fratres R de feringe et P de ceheforde domus nostre concanonicos et magistrum R de Goffelde ac etiam quemlibet eorum insolidum et diuisim Ita quod non sit melior condicio occupantis procuratores nostros in omnibus causis et negotiis nos qualitercunque tangentibus motis ubilibet et mouendis ad agenda defendenda crimina et defectus obiciendos cuiuscunque judicis officium promouendum et implorandum necnon de calumpnia et de ueritate dicenda juramenta ac etiam quodlibet aliud juramentum a jure permissum in animas nostras prestandum et cetera omnia facienda que per procuratores legitimos poterunt expediri Et precipue coram uenerabili patre domino roberto dei gratia cantuariensi Archiepiscopo tocius Angliae Primate ciuitatem et Dyocesam Londoniensem uisitante eiusque comissarijs seu auditoribus quibuscumque qualitercumque precedentibus contra quoscumque aduersarios nostros quibuscumque diebus et locis quotiens nos abesse contingerit Et pro eisdem procuratoribus nostris et eorum quolibet rem ratam habere et judicatum solui sub ypocheia rerum nostrarum promittimus permissaque omnia [singularis] quorum interest aut interesse poterit significamus ceteris procuratoribus per nos factis in suo nichilominus robore durature presentibus post annum minime ualiture Datum apud dunmawe die tali etc et etiam sigillo nostro communi signatum Anno domini etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.