Omnibus Christi fidelibus ad quos presens scriptum peruenerit frater ricardus prior de Dunmawe et eiusdem loci conuentus salutem in domino sempiternam Noueritis nos concessisse et hac presenti carta nostra confirmasse Galfrido le poter de Assewelle totam terram nostram quam habuimus ex dono quondam domino roberto filii Walteri cum suis pertinentiis in dicta uilla de assewelle pro seruicio suo et pro quadam summa pecunie quam nobis dedit pre manibus ad negocium nostrum habend et tenend dictam terram de nobis et successoribus nostris dicto Galfrido et heredibus suis libere quiete bene et in pace in perpetuum Reddendo inde nobis et successoribus nostris per annum dictus Galfridus et heredes sui duodecim denarios ad pascha pro omni seruicio consuetudine sectis curie et secularibus demandis In cuius rei testimonium presenti scripto sigillum nostrum duximus apponendum Et sciendum quod dictus Galfridus nec heredes sui dictam terram alienare neque uendere alicui possunt nisi per seruicium quadraginta denariorum de dicta terra per annum ab antiquo debitorum et consuetorum nobis in perpetuum soluendorum Datum apud Dunmow die sancti Barnabe apostoli Anno regni regis Edwardi sextodecimo teste capitulo nostro

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.