Hec concordia facta in curia regis in Oxonia coram maiore et balliuis Oxonie die Lune proxima ante festum Translationis sancti Thome martiris Cantuariensis Archiepiscopi anno regni regis Edwardi sextodecimo inter magistrum hospitalis sancti Iohannis extra portam orientalem Oxonie et confratres eiusdem loci actores in parte una et Godefridum de Hedindone reum in parte altera ita uidelicet quod dictus Godefridus recognouit se teneri dictis magistro et confratribus suis hospitalis predicti in arreragiis quinquaginta solidorum de tenemento quod de dictis fratribus tenet in Oxonia in uico de Cattestrete in parochia beate Marie uirginis quod Iohannes de Cristechyrche quondam tenuit Et dictus Godefridus obligauit tradidit et dimisit ad solucionem dicte pecunie faciendam dictis magistro et confratribus eiusdem loci pro se et pro heredibus suis uel suis assignatis duodecim solidos annuatim de solario et celario infra curiam predicti tenementi recipiendos donec dicta pecunia plenarie fuerit satisfactum et septem solidos sex denarios annui redditus de selda et solario suo que site sunt in cimiterio Omnium Sanctorum in eadem uilla recipiendos annuatim pro redditu debito et consueto dictis magistro et confratribus eiusdem pro tenemento predicto donec de sepedicta pecunia plenarie fuerit solutum Et si contingat dictum Godefridum in fata discedere quod absit quod dicti magister et confratres sui intrabunt predictum tenementum et in manibus eorum integre retinebunt quousque de predicta pecunia tam in annuo redditu quam in arreragiis sepedictis plenarie fuerit satisfactum sine fraude et dolo et contradiccione heredum uel assignatorum dicti Godefridi Preterea dictus Godefridus sumptibus suis propriis sustentabit tam in libero introitu et exitu quam in sustentacione domorum et omnibus necessariis dictis domibus pertinentibus [sic] et si contingat dictum Godefridum in sustentacione domorum deficere ita quod ad ruinam deuenerunt [sic] aut in toto aut in parte quod absit dicti magister et confratres sui sustinebunt et reedificabunt et in manibus eorum remanebunt donec fuerint satisfacti tam in expensis et in dampnis et in annuis redditibus quam in arreragiis sepedictis Et si predicti fratres aliqua dampna receperint uel expense imposite fuerint per manus predictorum fratrum quod simplici uerbo credantur Et quando euenerit quod dicti fratres de pecunia prenominata cum annuo redditu et expensis si qua fecerint omnia obligata in pace et integre dicto Godefrido et heredibus suis uel suis assignatis reuertantur sine contradiccione fraude et cauillacione dictorum fratrum Et dictus Godefridus renunciavit in hoc scripto omni exceptioni maiori et minori jur ciuil et canonici fori privilegio et rei non tradite non liberate et maxime regie prohibicioni et omnibus legibus que sibi auxiliari poterunt Et ad ista omnia fideliter observanda et tenend tactis sacrosanctis ewangeliis prestitit sacramentum Huic presenti scripto in modum cyrographi confecto sigilla sua alternatim apposuerunt Hiis testibus Willelmo le Espicer tunc maiore Oxonie Thoma de Sowy Andrea de Pyrie tunc ballivis Oxonie Henrico Owayn Johanne de Ew Philippo de Ew Nicholao Aurifabro Iohanne Culuerd Henrico de Gamages Radulpho Cyrurgico Symone Ligatore de Cattestrete aliis Dat in curia Oxonie die Lune proxima post festum Translationis beati Thome martiris Cantuariensis archiepiscopi anno supradicto

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.