Haec est finalis conventio facta in curia domini regis apud Clarendone anno tricesimo tertio regni regis Henrici secundi coram domino rege et Johanne filio ejus et Randulpho de Glanville et Huberto decano Eboracensi et Radulpho archidiacono Herefordiae et Roberto de Witefeld et Rogero filio Reinfrici et Roberto de Inglisham archidiacono Gloecestriensi et Jocelino archidiacono Cicestrensi et magistro Thoma de Busseburne et Michaele Belet et aliis baronibus et fidelibus domini regis qui tunc ibi praesentes errant inter Robertum abbatem Ramesiensem et ejusdem loci conventum et Gaufridum Pecche de tota terra quam ipse Gaufridus tenuit in villa de Oura de praedicto abbate et conventu et unde placitum fuit inter eos in curia regis scilicet quod praedictus abbas et conventus concesserunt eidem Gaufrido totam terram illam de Oure cum piscariis et aliis pertinentiis suis tenendam de eo et de ejusdem loci conventu tota vita sua pro septem libris annuatim inde reddendis ad hos terminos ad Pascha septuaginta solidis et ad festum Sancti Michaelis septuaginta solidis Ita quod post mortem ipsius Gaufridi redibit tota terra illa cum piscariis et aliis pertinentiis suis ad dominium ipsius abbatis Ramesiensis et ejusdem loci conventus sine ullo retenemento et reclamatione heredum ipsius Gaufridus quod nullum quaeret ingenium vel artem unde praedictus abbas et ejusdem loci conventus aliquid de praedicta terra vel piscariis vel aliis pertinentiis suis amittant

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.