Edwardus rex Anglorum Stigando Archiepiscopo Ailmaro episcopo Girth Comiti Toly Vicecomiti et omnibus ministris suis de Nortfolc et de Suthfolcia et universis aliis fidelibus suis per totam Angliam constitutis tam clericis quam laycis salutem Notifico vobis me concessisse Deo et Sanctae Mariae et Sancto Benedicto et Alfwino abbati de Ramesia sacam et socam tol et theam et infaugenethef fythwite et ferdwite forestal et hamsokne grithbriche et schypbriche et seupwarp in omnibus rebus apud Brauncestre et apud Ringstede ita bene et libere sicut ipse ea melius et liberius habeo in littore marino alicubi in Anglia omnesque rectitudines et jura quae ibi ego ipse unquam habui Volo etiam ut soca quae est infra Bichamdich in omnibus ad Sanctum Benedictum Ramesye pertineat ita plene et perfecte sicut eam ipse habui et omnes rectitudines quas rex ibi potest habere Volo praetera ut Sancta Maria et Sanctus Benedictus et abbas et fratres Rameseiae habeant socam in omnibus super omnes homines qui sunt motwrthi ferdwrthi in illo hundredo et dimidio cujuscunque homines sint Concedo eis etiam mercatum de Dunham per aquam et terram cum indictione et educatione et cum omnibus rectitudinibus quae ad illud pertinent ita bene et libere sicut illud ipse unquam melius habui Et nolo pati ut aliquis hoc in aliquo imminuat In omni quoque comitatu ubi Sanctus Benedictus habet terram concedo eis sacam et socam suam tol et theam et infangenetheof infra burgum et extra et ubique in terra et aqua in bosco et plano cujuscunque fuerit soca habeat Sanctus Benedictus libertatem suam in omnibus ita bene et plene sicut ego ipse alicubi habeo in tota Anglia habeant et omnes forisfacturas quae pertinent ad regiam coronam meam in Natali Dominico in Pascha et in Sancta Ebdomada Rogationum in omnibus rebus sicut ipse haceo et per totam Angliam infra civitatem et extra in omni foro et annuis nundinis et in omnibus omnino locis per aquam et terram ab omni thelonei exactione liberi sint Prohibeo iaque Dei prohibitione et mea ne aliquis hanc concessionem meam mutet aut minuat Si quis vero aliquid horum quae in hoc scripto continentur temerare praesumpserit segregatus sit ille a Christo et ab omni sanctorum ejus consortio Haec carta facta fuit apud Wyndleshoram in quarto die ebdomadae Paschalis sub testimonio Aedgitahe reginae Godwini et Haroldi comitum

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.